Lanterna Rally

Author: Marshall E Gass

Publisher: Xlibris Corporation

Published: 2015-12-30

Total Pages: 390

ISBN-13: 1499097980

Masalimuot ang pinagdadaanan ni Max Martin. Ang kanyang karera sa pamamahayag ay bumabagsak. Ang kanyang buhay may asawa ay nanganganib at ang kanyang dalawang kagiliw-giliw na mga anak ay nasa malayo. Ang pagkakataong bisitahin ang lokal na Art Gallery ay nagtulak sa kanya upang hanapin ang pintor na sa tingin niya ay lubos na napapanahon. Sa pagtahak sa landas na ito, dinala siya ng paglalakbay niya sa New Zealand at sa ibayong kontinente. Nagpasya si Max na buhayin ang kanyang malamyang karera sa pagsusulat sa pamamagitan ng pagsulat ng isang nobela na ang pamagat ay Beautiful Brushstrokes. Itinala niya ang lahat ng kanyang pagsasaliksik sa kanyang kwaderno at kalaunan ay natuklasan niyang ang kanyang ginagawa ay nagiging higit pa sa pangkaraniwang proyekto. Anong uri ng likhang sining ang nahanap niya sa galeriyang ito at saan siya dinala ng mga bakas nito? Ano ang kanyang mga nahanap na nagpabago sa pananaw niya sa buhay at bakit siya nasadlak sa kabalintunaan ng mapaglarong tadhana na nagresulta sa aklat na ito? Isusulat ni Max ang nobelang ito at mahahanap niya ang pintor na ito. ‘Yan ang una niyang hakbang upang maiahon ang kanyang karera. Makisali sa paglalakbay na ito upang madiskubre niya hindi lamang ang sarili niya kundi ang marami pang iba tungo sa kanyang tagumpay—o kabiguan! Ito ang ika-9 na nailathalang aklat ni Marshall. Sa paglilipat-lipat mula Tula at Tuluyan (Prosa), pinananatili niyang buhay ang parehong uri ng akda habang sinusuportahan ang bawat isa ng liksi ng isip na nagiibayo sa kanya upang magtrabaho ng walang kapaguran. Kung nabasa mo na ang isa sa mga aklat niya, hahanap-hanapin mo ang natitirang adka niya. Ang kanyang panulat ay nakakalulong.